يەرشارىدىكى ئىشلەتكۈچىسى %90 تىن ئاشىدىغان Windows مەشغۇلات سېستىمىسى، ھازىر ئاللىقاچان ھەر بىرىمىزنىڭ تۇرمۇشىنىڭ ئايرىلالماس بىر قىسمىغا ئايلىنىپ كەتتى. ئاشۇ 1.0 نەشىرىدىن باشلاپ تا ھازىرغىچە بولغان Windows 7 گىچە بولغان ئارىلىقتا، Windows نىڭ كۆرۈنمە يۈزى، قوزغالما سۈرەت ۋە مۇزىكىسىدا نۇرغۇن يېڭىلىنىشلار بولدى. بۇلارنىڭ بەزىلىرى ھېلىھەم قۇلاق تۈۋىمىزدە ياڭراپ تۇرىدۇ، تۆۋەندىكىسى Windows نىڭ بارلىق نەشىرىنىڭ قوزغالما ئاۋاز ۋە كۆرۈنمە يۈزى بولۇپ، بىرلىكتە ھوزۇرلىنىپ باقايلى، بەلكىم تونۇش ئەسلىمىلەر ئىچىدىن، ئۆزگىچە زوق ئالالىشىمىز مۇمكىن…

ئېسىمدە قېلىشىچە، مەن Windows بىلەن 3.2 نەشىرىدىن باشلاپ تونۇشۇپتىكەنمەن. بۇنىڭ ئارىسىدا Server نۇسخىسى ۋە Windows 2000 دىن باشقا بارلىق نۇسخىسىنى ئاساسەن تولۇق ئىشلىتىپ بېقىپتىمەن. يۇقارقى ئاۋازلارنى ئاڭلاش جەريانىدا، بولۇپمۇ Windows 98 بىلەن Me نىڭ مۇزىكىسىنى ئاڭلىغىنىمدا، خىياللىرىم تۇيۇقسىز شۇ مەشغۇلات سېستىمىسىنى ئىشلەتكەن دەۋرلەرگە كېتىپ قالدى. Windows Me ئەينى يىللاردا مەن ئەڭ ياقتۇرۇپ ئىشلەتكەن مەشغۇلات سېستىمىلىرىنىڭ بىرى ئىدى…