ھېكايىنىڭ باشلىنىش قىسمى ئىنتايىن ئىللىق باشلىنىدۇ، Alma ئىسىملىك بىر قىز ئۆزى يالغۇز ھالدا قار لەپىلدەپ يېغىۋاتقان بىر تار كوچىدا كېتىۋاتقاندا، تۇيۇقسىز بىر ئويۇنچۇق دۇكىنىنىڭ دېرىزىسىدىن ئۆزىگە قۇيۇپ قويغاندەك ئوخشايدىغان بىر قونچاقنى كۆرۈپ قالىدۇ، شۇنىڭ بىلەن ئۇ ئەجەپلەنگەن ھالدا ئويۇنچۇق دۇكىنىنىڭ ئىشىكىگە قاراپ ماڭىدۇ…

كىچىك قىزچاق Alma ئويۇنچۇق دۇكىنىغا كىرگەندىن كېيىن، ئۈچ چاقلىق ۋېلىسپىت مىنىۋالغان بىر كىچىك قونچاق قارىماققا ئاستىرتتىن ئۇنىڭغا، بۇ ئويۇنچۇقخانىدىن تېز چىقىپ كېتىشكە بەلگە بەرمەكچى بولىدۇ، يەنە باشقا قونچاقلارنىڭ يوچۇن كۆز نۇرلىرى بۇ كىچىك ئۆينى ئاجايىپ سىرلىق بىر تۈسكە كىرگۈزىدۇ. يانداش مۇزىكىمۇ ناھايىتى ئېسىل كىرىشتۈرۈلگەن، چوڭ ئىسكىرىپنىڭ ئاۋازى قورقۇنچلۇق فىلىملەردىكى تۇيغۇنى ئەسلىتىدۇ. ئەپسۇسلىنارلىق يېرى سىن سەل قىسقا ئىشلەنگەن، بىراق كەينىنى ئىشلەش توغرا كەلسە، ناھايىتى ئاسانلا باغلاشتۇرۇپ كەتكىلى بولىدىغاندەك تۇرىدۇ…