بىلمىدىم كەڭ تورخۇمار دوستلار Windows تىكى ئەخلەت ساندۇقىنى قانداق باشقۇرىدىكىن؟ مەن دائىم ئەخلەت ساندۇقىنىڭ مەۋجۇدلۇقىنى ئۇنتۇپ قالىمەن، شۇنداق بىر كۈنى قاتتىق دېسكىنىڭ بوشلۇقى يېتىشمەي قالغاندىلا، ئاندىن ئېسىمگە كېلىپ ئەخلەت ساندۇقىغا بېرىپ قاراپ باقىمەن ۋە تېخى تازىلانمىغان نەچچە GB لىق ھۆججەتلەرنى بايقاپ قالىمەن. بۇنداق قىلىشنىڭ ئارتۇقچىلىقى، كېيىن تۇيۇقسىز لازىم بولغاندا، خېلى بۇرۇن ئۆچۈرگەن نۇرغۇن ھۆججەتلەرنى ئەسلىگە كەلتۈرگىلى بولىدۇ، كەمچىلىكى، قاتتىق دېسكا بوشلۇقى ئىسراپ بولىدۇ. ئۇنداقتا قانداق قىلىش كېرەك؟

شۇڭا بۈگۈن كۆپچىلىككە سىغىمى پەقەت 61KB كېلىدىغان، ئەسلى كودى پۈتۈنلەي ئوچۇق بولغان ھەقسىز يۇمشاق دېتال BinManager نى تەۋسىيە قىلىپ قويۇشنى لايىق تاپتىم. BinManager بولسا بىر تۈرلۈك سىزگە ياردەملىشىپ ئەخلەت ساندۇقىنى ۋاقىت تەرتىۋى بويىچە تازىلاپ بېرەلەيدىغان قورال، ئەلۋەتتە Windows تا ناۋادا سىز مەلۇم ھۆججەتنى قەتئىي لازىم قىلمايدىغانلىقىڭىزنى جەزملەشتۈرەلىسىڭىز، Shift + Del كۇنۇپكىسى بىلەن بىۋاستە ئەخلەت ساندۇقىدىن ئاتلاپ كەتسىڭىز بولىۋېرىدۇ، ئەمما بەزىدە خاتا ئۆچۈرۈپ قويۇپ پۇشايمان قىلىدىغان ئىشلارمۇ بولۇپ تۇرىدۇ…

BinManager قاچىلانغاندىن كېيىن بىۋاستە ئۈستەل يۈزىدىكى ئەخلەت ساندۇقى ئايكونىنىڭ ئوڭ كۇنۇپكىسىغا توپلاشتۇرىۋېتىلىدىغان بولۇپ، تەرتىپ بويىچە بىر ئاي ئىلگىرىكى، بىر ھەپتە ئىلگىرىكى، بىر نەچچە كۈن ئاۋالقى، ھەتتا بۈگۈندىن باشلاپ ئەخلەت ساندۇقىغا تاشلانغان ھۆججەتلەرنى تازىلاپ بېرەلەيدۇ. ئەمەلىيەتتىمىغۇ، ئەخلەت ساندۇقى دېگەننى تۈرگە ئايرىپ تازىلاشنىڭمۇ بەك كۆپ ھاجىتى يوق، سېۋەت توشسا ئاچىقىپ تاشلىۋەتسەك، توشمىسا قاراپ بېقىپ لازىملىق نەرسىلەر بولسا ئىلغىۋېتىپ يەنە داۋاملىق ئەخلەت تاشلىساق بولىۋېرىدۇ. بىراق BinManager نىڭ بەزى ۋاقىتلاردا ھەقىقەتەن رولى كۆپ بولىدۇ.

BinManager نىڭ ئەسلى مەنبە كودى Microsoft Visual C++ .NET تا تەھرىرلەنگەن بولۇپ، ناۋادا داۋاملىق كېڭەيتىشنى خالايدىغان دوستلار بولسا ياكى ئۇيغۇرچىلاشتۇرۇشنى خالايدىغان دوستلار بولسا ئاستى قىسىمدىكى ئەسلى كودنى چۈشۈرۈپ كۆرۈپ باقسا بولىدۇ.

ھۆججەت تەپسىلاتى:

ھۆججەت نامى: BinManager
ھۆججەت سىغىمى: 61KB
ئورگان تور بېكىتى: http://www.cheztabor.com/BinManager/index.htm

ھۆججەت تەپسىلاتى:

BinManager نى چۈشۈرۈش | مەنبە: torhumar.com | ئەسلى كودى