Vista دىن بۇرۇنقى نەشىردىكى Windows لاردىكى باشلاش تىزىملىكى ئەزەلدىن ئۆزگىرىپ باقمىغان، نۇرغۇن كونا كومپيۇتېرلاردا باشلاش(开始) – پروگرامما(程序) نى باسساق ئېكرانغا لىققىدە كەلگۈدەك قاچىلانغان پروگراممىلارنىڭ تىزىملىكى كۆرۈنەتتى. ئەمما Windows 7 ئۆزىدە بۇ خىل كلاسسىك باشلاش تىزىملىكىنى ئېلىپ تاشلاپ، ئورنىغا ئىزدەش رامكىسى قوشۇلغان يېڭىچە باشلاش تىزىملىكىنى دەسسەتكەن، گەرچە ئىشلىتىشكە ئاسان ۋە ئىقتىدارى كۈچلۈك بولسىمۇ، ئەمما بىر قىسىم كونا ئادىتىنى ئاسانلىقچە ئۆزگەرتەلمەيدىغان ئابونتلار ئۈچۈن، يەنىلا ئاشۇ كلاسسىك باشلاش تىزىملىكى سۆيۈملۈك تۇيۇلىدۇ.

Classic Shell بولسا دەل Windows 7 نىڭ باشلاش تىزىملىكىنى ئەنئەنىۋى باشلاش تىزىملىكىگە ئايلاندۇرۇپ بېرەلەيدىغان قورال. ئەلۋەتتە Classic Shell نىڭ بۇنىڭدىن باشقا يەنە نۇرغۇن تەپسىلىي تەڭشەكلىرىمۇ بار. Classic Shell گەرچە ئۆزى كىچىك، ئىقتىدارى ئاددىي تۇيۇلسىمۇ، بىراق ئۇنىڭ سىزگە ئېلىپ كەلگەن قولايلىقلىرى، بولۇپمۇ XP دىن يېڭىلا Windows 7 گە كۆچۈپ چىققۇچى دوستلار ئۈچۈن ئېلىپ كەلگەن ئەسلىمىلىرىگە سەل قارىماڭ. بەزىدە كىچىككىنە ئادەت مەسىلىسىمۇ خېلى چوڭ ئىشلارنىڭ كېلىپ چىقىشىغا سەۋەپ بولىدۇ. ناۋادا سىز Windows 7 نى يېڭى ئىشلىتىش جەريانىدا يېڭىچە باشلاش تىزىملىكىگە كۆنەلمىسىڭىز ياكى XP دىكى ئەنئەنىۋى باشلاش تىزىملىكىنى ياقتۇرسىڭىز، ئۇنداقتا تەدبىركار بۈگۈن تونۇشتۇرماقچى بولغان Classic Shell نى قولدىن بەرمەڭ!

چۈشۈرۈش مەنزىلى:

ئورگان تور بېكىتىدىن چۈشۈرۈش |    مەنبە: torhumar.com