بۇ بىر ماشىنا ئادەم شەكلىدىكى سافا بولۇپ، ناۋادا سىز بۇ سافانى شەكىل ئۆزگەرتەلەيدۇ دەپ قارىغان بولسىڭىز خاتالىشىسىز، بىراق بۇ سافا شەكىل ئۆزگەرتىشتىنمۇ قالتىس ئىشلارنى قىلالايدۇ، قېنى ھەممىمىز بىرلىكتە بۇ سافانىڭ كارامىتىنى كۆرۈپ باقايلى.

بۇ يەردىكى سافا كۈتۈپخانىدا ئىشلىتىش ئۈچۈن ئالاھىدە لايىھەلەنگەن بولۇپ، RFID بەلگىسى ئارقىلىق ئۆزىنىڭ ماس كارتىسىغا ئۇچۇر چاپلىنىدۇ، ناۋادا كارتا سافانىڭ بەلگىلەنگەن سېزىمچان رايونىغا سۈركىلىپ ئاكتىپلانسا(ئادەتتە بىز بانكا كارتىسىنى سۈركەپ مال سېتىۋالغانغا ئوخشاش)، سافا ئۆزلىكىدىن قوزغىلىپ ھەرىكەتكە كېلىشكە باشلايدۇ. سىز كۈتۈپخانىدا ئۆزىڭىزگە ماس كىتابنى ئىزدىمەكچى بولۇپ، ھەرقايسى كىتاب جازىلىرىنى ئايلانغان چېغىڭىزدا بۇ سافا سىزنىڭ كەينىڭىزدىن ئەگىشىپلا ماڭىدۇ، تاكى سىز ئۆزىڭىزگە لازىملىق كىتابنى تېپىپ بىر ئورۇندا توختىغان چاغدا ئۇمۇ سىزگە ئەگىشىپ شۇ جايىدىلا توختايدۇ، بۇ چاغدا سىز سافاغا ئولتۇرۇپ بىر تەرەپتىن كىتاب ئوقۇغاچ بىر تەرەپتىن ھوزۇرلانسىڭىز بولىدۇ. سىز كىتاۋىڭىزنى ئوقۇپ بولغاندىن كېيىن، پەقەت چىقىش ئىشىكى تەرەپكە ماڭسىڭىزلا بولدى، ئىشىككە يېقىن جايدا بىر گورزېنتال نۇر سىزىقى بولىدۇ، سافا بۇ سىزىققا يېقىنلاشقان چاغدا ئاپتوماتىك سىگنال قوبۇل قىلىدۇ ۋە ئۆزلىكىدىن سىز ئۇنى يېتىلەپ ماڭغان جايغا قايتىپ ئۆزىگە داۋاملىق توك تولۇقلايدۇ.
تۆۋەندىكى سىننى كۆرۈش ئارقىلىق بۇ سافانىڭ كارامىتىنى تېخىمۇ ئېنىق ھېس قىلالىشىڭىز مۇمكىن، 10 نەچچە سافا بىر-بىرىنى قىستىماي تۇرۇپ ئۆچىرەت بويىچە مېڭىشى ئادەمنى ھەقىقەتەن ھەيران قالدۇرىدۇ.