Create بولسا، بىر تۈرلۈك تەسەۋۋۇر ۋە كاللا ئىشلىتىشكە تايىنىپ مەسىلىنى ھەل قىلىش تىپىغا كىرىدىغان كىچىك تىپتىكى 3D ئويۇن. ئويۇندىكى ھەر بىر ئۆتكەلدە سىزگە بىر ۋەزىپە بېرىلىدۇ، يەنى بەلگىلىك ساندىكى شەيئىلەردىن پايدىلىنىپ، بىر پۈتۈنلۈككە ئىگە بولغان بىر ھەرىكەت جەريانىنى تاماملاش ئارقىلىق بىزگە بېرىلگەن ۋەزىپىنى ئورۇنلاش تەلەپ قىلىنىدۇ. ئاڭلىماققا ئاساندەك قىلغان بىلەن، ھەقىقى ئويناشقا چۈشكىنىڭىزدە، بۇ خىيالىڭىزنىڭ ئۇنچە ئاسان ئەمەلگە ئاشمايدىغانلىقىنى ھېس قىلىسىز…

ئويۇندا سىز پۈتۈنلەي تەسەۋۋۇرىڭىزغا تايىنىسىز، يەنى ھەر بىر ئۆتكەلدە سىزگە بۆلۈپ بەرگەن جىسىم ۋە شۇ جىسىمنىڭ ئالاھىدىلىكىگە ئاساسەن، كاللا ئىشلىتىپ مەلۇم بىر مېخانىزىمنى قۇراشتۇرۇپ چىقىسىز، بۇ مېخانىزىم تاكى مۇكەممەل بولغاندا، ئاندىن ئاخىرقى مەقسەتكە يېتىشكە بولىدۇ. ھەرگىزمۇ بىر قېتىمدىلا مۇۋاپىقىيەت قازىنىمەن ئويلىماڭ، چۈنكى ئۇنچە ئاسان ئەمەس!

ئويۇندىن قىسقىچە كۆرۈنۈشلەر:

ھەر بىر ئۆتكەلدىن غەلىبىلىك ئۆتكەن چېغىڭىزدا، سىزگە يەنە يېڭى شەيئىلەر سەپلەپ بېرىلىشى مۇمكىن. سىز بۇ شەيئىلەرنى چوقۇم ئىشلىتىپلا قالماي، يەنە تەكرار سىناش ئارقىلىق قۇرماقچى بولغان مېخانىزىمىڭىزنىڭ مۇكەممەللىكىنى ئاشۇرىشىڭىز ۋە شۇ ئارقىلىق ئويۇندا غەلبە قازىنىشىڭىز كېرەك. ئويۇننىڭ كۆرۈنمە يۈزىمۇ ئاجايىپ پۇزۇر لايىھەلەنگەن بولۇپ، سەپلىمىگە بولغان تەلىۋىمۇ يۇقىرى ئەمەس. Windows XP/Vista/7 قاتارلىقلاردا نورمال ئوينىغىلى بولىدۇ.

مۇناسىۋەتلىك چۈشۈرۈش مەنزىلى(迅雷 دا چۈشۈرۈڭ):

بەرپا قىلىش(Create) ئويۇنىنى چۈشۈرۈش |    خەنچە تىل بولىقىنى چۈشۈرۈش