تورخۇمارلار كۇلۇبى

Windows 8 كە يېڭىدىن ئۇيغۇرچە تىل بولىقى قوشۇلۇپ جەمئىي 109 خىل تىلنى قوللايدىكەن

تورخۇمار — Wed, 22 Feb 2012 11:30:00 +0000

Windows8 نىڭ ئېلان قىلىنىش ۋاقتىنىڭ يېقىنلىشىغا ئەگىشىپ، Windows8 توغرىسىدىكى يېڭى خەۋەرلەرمۇ ئۈزۈلمەيۋاتىدۇ. بۈگۈن مىكروسوفت Building Windows 8 بلوگىدا ئېلان قىلغان ماقالىسىدە دېيىشىچە، Windows8 كە تېخىمۇ كۆپ تىلنى قوللايدىغان بولۇپ، بۇلارنىڭ ئىچىدە بىزنىڭ سۆيۈملۈك ئۇيغۇر تىلىمىزمۇ بار ئىكەن…

Windows8 تە Windows7 گە قارىغاندا ئۇيغۇر تىلىنى ئۆز ئىچىگە ئالغان 14 خىل يېڭىچە تىل قوشۇلغان بولۇپ، جەمئىي 109 خىل تىلنى قوللايدۇ. كۆرۈۋېلىشقا بولىدۇكى، بۇ جەھەتتە مىكروسوفتنىڭ كۆرسەتكەن تىرىشچانلىقى Apple قاتارلىق باشقا شىركەتلەردىن خېلىلا ئېشىپ كەتكەن.

ئۇنىڭدىن باشقا تەكىتلەپ ئۆتۈشكە ئەرزىيدىغىنى شۇكى، Windows8 تە تىل باشقۇرۇش ئىقتىدارى تېخىمۇ كۈچەيتىلگەن بولۇپ، ئىلگىرى Windows8 پروگرامما ئاچقۇچىلار نەشىرى ئېلان قىلىنغان چاغدىلا، كۆپچىلىك كۆرۈنمە يۈزدىكى تىل، كىرگۈزگۈچ قاتارلىق تىل-يېزىققا مۇناسىۋەتلىك ئىقتىدارلارنىڭ كونترول تاختىسىدىكى «تىل» دېگەن كۆرۈنمە يۈزگە يىغىنچاقلىۋېتىلگەنلىكىنى بايقىغان ئىدى.

ئۇيغۇر سوفت شىركىتىنىڭ دېرىكتورى ئالىم ئەھەت ئەپەندىنىڭ ئۆز بلوگىدا ئاشكارىلىشىچە، Windows8 تە يېزىقىمىزغا دائىر يېڭىلىقلار خېلى بولۇپ، Windows8 Beta نەشىرى مۇشۇ ئاينىڭ 29-كۈنى ئېلان قىلىنىدىكەن.

كىنو-فىلىم تارىخىدىكى ئاشۇ بەئەينى تىرىكتەكلا كۆرۈنىدىغان CG پېرسوناژلار

تورخۇمار — Wed, 22 Feb 2012 11:20:00 +0000

85-يىلىدىكى «ياش ھولمېس»تا ئىپادىلەنگەن ئىنتايىن ئاددى CG ئوبرازىدىن باشلاپ «ئاۋاتار»دىكى ئاجايىپ پۇزۇر تاشقى پلانېت مەنزىرىسىگىچە، كىنو-فىلىم تېخنىكىسى ئۈزلۈكسىز تەرەققى قىلىپ ۋە مۇكەممەللىشىپ كەلدى. فىلىمدە ئاددى قىلىپ 10 نەچچە يىل مابەينىدىكى كىنو-فىلىم CG تېخنىكىسىنىڭ تەرەققىياتىنى تەسۋىرلەنگەن. ئارىسىدىكى بىر قىسىم فىلىملەر شۇ دەۋر كىنوچىلىقىنىڭ شاھىدى بولۇپ ھېسابلىنىدۇ، بىر كۆرۈپ بېقىشقا ئەرزىيدۇ.

80-يىللاردىكى iOS نىڭ كۆرۈنمە يۈزى – ناۋادا iPhone/iPad لار 1986-يىلى ئىجاد قىلىنغان بولسا…

تورخۇمار — Tue, 21 Feb 2012 12:36:17 +0000

تېخنىكا ساھەسىدىكى تەرەققىيات كۈندىن-كۈنگە تېزلىشىۋاتقان بۈگۈنكى كۈندە، ئىشىنىمەنكى نۇرغۇن كىشىلەر يېڭى تېخنىكىلارنى ناھايىتى ئاسانلا قوبۇل قىلالايدۇ، بۇنداق پەيتتە، ۋاقتى ئۆتكەن تېخنىكىلىق مەھسۇلاتلار تولىسى ئادەمنىڭ نەزىرى چۈشمەيدىغان بىر بۇلۇڭدا ئاسارە-ئەتىقىغە ئايلىنىپ قالىدۇ. خۇددى ھازىر قولىڭىزدا iPhone بولغاندىن كېيىن، ئىلگىرىكى چاقىرغۇغا قاراپ قويمىغاندەكلا بىر ئىش…

ئەمما يەنىلا بىر قىسىم كىشىلەر يېڭىلىقنى ئۇنچە بەك ئاسان قوبۇل قىلىپ كېتەلمەيدۇ، ئۇلارنىڭ نەزىرىدە قانچە قەدىمىي بولغان نەرسە شۇنچە گۈزەل ھېسابلىنىدۇ ھەمدە ھەمىشە، ئاشۇ بىزدىن ئۇزاپ كەتكىلى ئۇزاق بولغان نەرسىلەرنى ئەسلەش ئارقىلىق ئۆتمۈشكە بولغان سېغىنىشىنى ئىپادىلەشنى ياقتۇرىدۇ. بەلكىم ئاشۇ قەدىمكى مەھسۇلاتلار بىلەن ھازىرقى يېڭى دەۋىردىكى ئۈسكۈنىلەرنى مۇناسىپ بىرىكتۈرگەندە، كونا نەرسىمىزنى يوقاتمىغان ئەھۋال ئاستىدا يېڭىچە بىر خىل مەھسۇلات كۆز ئالدىمىزدا نامايەن بولۇشى مۇمكىن.

خۇددى بىز بۈگۈن كۆپچىلىككە تونۇشتۇرماقچى بولغان بۇ بىر يۈرۈش سۈرەت توپلىمىدەك. بىر قاراشقىلا، سىزدە خۇددى iPhone بولسا ئالما شىركىتىنىڭ 80-يىللاردىكى مەھسۇلاتىدەك تەسىر بېرىدۇ. بۇ دېگەنلىك، ناۋادا 80-يىللاردا Apple شىركىتى iPhone ئىشلەپچىقىرىشقا لازىملىق بارلىق شەرتلەرنى ھازىرلىغان بولسا، ئۇنداق بۇ دەل بىزنىڭ ئاتا-بوۋىلىرىمىز كۆرىدىغان iOS 5.0.1 بولۇپ قالاتتى. سىز بۇ خىلدىكى ئۇسلۇبنى ياقتۇرامسىز؟

رىۋايەتلەردىكى iOS 86.

تەبىئەتتىكى ھەرقانداق بىر نەرسە ئىنسانلارنىڭ يېڭىلىق يارىتىشىنى توسۇپ قالالىغان ئەمەس، ئېغىرلىق كۈچىمۇ شۇ!

تورخۇمار — Tue, 21 Feb 2012 12:19:56 +0000

تور ئارىلاۋېتىپ ئۆزگىچە ئىشلەنگەن بۇ سىننى كۆرۈپ قالدىم. يەنى ئېغىرلىق كۈچىنىڭ تەسىرىدە جىسىملارنىڭ ئۈستىدىن تۆۋەنگە چۈشىدىغانلىقىنى دەپ ئولتۇرۇشنىڭ ئۆزىمۇ بىر قۇرۇق گەپ. بىراق مەزكۇر سىندا، شۇ جەرياندا يۈز بەرگەن ھادىسە، يەنى چىققان ئاۋازدىن پايدىلىنىپ ئىنتايىن ئۆزگىچە بىر يۈرۈش ئۇدار ھاسىل قىلىنغان، فىلىم ئاپتورىنىڭ تەسەۋۋۇرىغا قايىل بولماي تۇرالمايسىز…

دېسەم ئىشەنمەيسىز ھەقىچان؟ بەزىدە سىز تاشلىۋەتكەن ئەخلەتلەرمۇ ئاجايىپ ئوماق بولۇپ كېتىدۇ!

تورخۇمار — Mon, 20 Feb 2012 12:25:47 +0000

سەنئەت مەۋجۇد بولمىغان كەيپىياتنى ياخشى كۆرەمسىز؟ مەدەنىيەت پۇرىقىچۇ؟ لايىھە مۇھىتىچۇ؟ سىز قوغلىشىدىغان سەنئەتنىڭ ھەمىشە بىر خىل مەۋھۇم شەكىلدە ئىپادىلىنىشىدىن قايغۇرامسىز؟ ئەنسىرىمەڭ! پەقەت ئېھتىياجلا بولىدىكەن، ھەرقانداق نەرسىدىن سەنئەت پۇرىقىنىڭ گۈپۈلدەپ بۇرنىڭىزغا ئۇرىلىۋاتقىنىنى ھېس قىلالايسىز! ھەتتا تۆنۈگۈن ئىشىك تۈۋىگە تۆكۈپ قويغان ئەخلىتىڭىزمۇ سەنئەت پۇرايدۇ، ئىشەنمەمسىز؟! بېرىپ پۇراپ بېقىڭ ئەمىسە!!!

ھاھاھا! ئۈستىدە بىردەم قۇرۇق گەپ يورغىلىتىپ قويدۇق جۇما؟! بىراق، ئىشىگىڭىزنىڭ ئالدىدىكى ئەخلەتنىڭ ھەقىقەتەن سەنئەت پۇرايدىغان پۇرىمايدىغىنىغا مەن كاپالەتلىك قىلالمايمەن. بۇنىڭ ئۈچۈن، ئەلۋەتتە، سىزدە سەنئەتتىن ھوزۇرلىنالايدىغان بىر ئاڭ بولۇشى كېرەك، ھوزۇرلىنالمىسىڭىز كېرەك يوق، ئۆزىڭىز بېرىپ شۇ سەنئەتنى يارىتىشقا تىرىشىپ بېقىڭ…

راست، سەنئەت يارىتىشتىن بۇرۇن، ئەڭ ياخشىسى شەھەر مۇھىت ئاسراش ئىدارىسىدىكىلەرگە تۇتۇلۇپ قېلىشقا جۈرئەت قىلالايدىغان بىر قەيسەر يۈرەك بولۇشى كېرەك، قېنى داۋامىغا كېلىلى…

ئامېرىكا تېلىۋېزىيە تىياتىرلىرى پۇلنى قانداق تېجەيدۇ بىلەمسىز؟ كىنو-فىلىم ئالاھىدە ئۈنۈم تېخنىكىسى

تورخۇمار — Mon, 20 Feb 2012 12:04:57 +0000

ئىلگىرى تورخۇماردا ئېلان قىلىنغان «ئەسلىدە ئامېرىكا تېلىۋېزىيە تىياتىرلىرىنىڭ ھەممىسى مۇنداق سۈرەتكە ئېلىنىدىكەن» ناملىق يازما ئېسىڭىزدىمۇ؟ بۇلارنىڭ كىنو-فىلىم ۋە تېلىۋېزىيە تىياتىرلىرىغا ئىشلەتكەن تېخنىكىسىغا قاراپ، بۇلار كىنو ئىشلەشكە ھېچقانچە چىقىم كەتمەيدىكەن دەپ ئويلاپ قالدىم. بۈگۈن كۆرىدىغىنىمىزمۇ شۇنىڭغا ئوخشاش، HBO تېلىۋېزىيە ئىستانسىسىنىڭ دېڭىز ساھىلى ئىمپېرىيەسى ناملىق تېلىۋېزىيە تىياتىرىغا ئىشلەتكەن بىر قىسىم ئالاھىدە ئۈنۈم تېخنىكىسى.

رىۋايەتلەردىكى «ئالمىچى بوۋاي» – سىتيۋ.جوبز زادى قانداق ئادەم؟

ئۇيغۇرتېكىن — Mon, 20 Feb 2012 11:56:36 +0000

سىز بەلكىم سىتۋى جوبىز(Steve Jobs)دەپ ئاڭلاپ باقمىغان بولۇشىڭىز مۇمكىن، ئەمما ئۇ كىشىنىڭ رەھبەرلىكىدە دۇنيا يۇقىرى تېخنىكا ساھەسىدە ئۆزىنى نامايان قىلىۋاتقان داڭلىق ماركىلىق مەھسۇلات- ئالما يۈرۈشلۈكلىرىنى ئىشلىتىپ باققانسىز، ياكى باشقىلاردىن ئاڭلىغانسىز ۋە ياكى شۇنىڭغا مۇناسىۋەتلىك ئۇچۇرلارنى تور ۋە گېزىت ژۇرناللاردىن كۆرگەنسىز…

شۇنداق كېسىپ ئېيتىشقا بولىدۇكى، سىتۋى جوبىز ئۆتكەن 10 يىل ئىچىدىكى دۇنيانى زىلزىلىگە سالغان ئادەتتىكى تاشقىرى تالانت ئىگىسىدۇر. ئۇ ئۆزىنىڭ تولىمۇ قىسقا ھاياتىدا ئىنسانىيەتنىڭ خېلى يىللاردىن بىرى ئىپتىدائىيلىشىپ قالغان مۇزىكا، يانفون، كومپيۇتېر قاتارلىق ئالتە چوڭ ساھەسىدىكى قاتماللىققا خاتىمە بېرىپ، پۈتۈنلەي يېڭىچە بولغان سودا قائىدىسىنى بارلىققا كەلتۈردى. ئۇنىڭ بۇ ساھەدىكى ئىش-ئىزلىرىنى بىز بۇ يەردە بىر ئىككى ئېغىز گەپ بىلەن دەپ بولالمايمىز.

سىتۋى جوبىز ۋاپات بولغاندىن كېيىن، ئۇنىڭ دۇنيادىكى ئىجتىمائىي تەسىرى ئاۋۋالقىدىن نەچچە ھەسسىلەپ ئېشىپ كەتتى. ئۇ بىر تالانت ئىگىسى، نۇرغۇن ياشلارغا ئۈمىد ۋە ئىشەنچى ئاتا قىلغۇچى. ئەمما، ئېسىڭىزدە بولسۇن، ئۇ سىزنىڭ ئۈلگىڭىز ئەمەس، چۈنكى ئۇ مەكتەپتىن يېنىپ چىققان، مەكتەپتىكى مۇنتىزىم قېلىپ ھەم كونا پاسوندىكى دەرسلەردىن ئۆزىنىڭ قىزىقىشى ۋە ئىچكى دۇنياسىغا ئەگىشىشنى ئارتۇق بىلگەن. شۇڭا ئۇ ياشلارنىڭ ئۆگىنىش ئۈلگىسى ئەمەس. ئەگەر ئەخلاق نۇقتىسىدىن قارايدىغان بولساقمۇ، ئۇ ھەرگىزمۇ بىز ئارزۇ قىلىدىغان ياخشى كىشى ئەمەس. لېكىن ئۇ بىر ئىنقىلابچى، قەھرىمان، ئىسلاھاتچى.
ئۇنداقتا، جوبىز زادى قانداق ئادەم؟ بىز بۇنى تۆۋەندە تەپسىلىي كۆرۈپ باقايلى:

1. ئۇ تولىمۇ شەپقەتسىز، رەھىمسىز ئۇسۇللار بىلەن ئۆزىنىڭ ھەمشىېركلىرىگە ھاياتلىق يولى قالدۇرمايدىغان ئادەم.

بىل گېيتىس بولسا بىر ئۇلۇغ ساخاۋەتچى، ئەمما جوبزنىڭ خەيرى-ساخاۋەت ئىشلىرى بىلەن قەتئىي خوشى يوق، ھەمدە ئۇ ئوچۇقتىن-ئوچۇق مۇنداق دېگەن:«مەن ھەر قانداق شەكىلدىكى خەيرى-ساخاۋەت ئىشلىرىنى رەت قىلىمەن». ئەمدى بىز بۇ گەپنى قانداق چۈشىنىمىز، ھەقىقىي مەنىدىن ئېلىپ ئېيتقاندا، ئۇنىڭ باشقىلار ئورنىنى باسالمايدىغان بىر-بىرىدىن ئېسىل مەھسۇلاتلىرى ئۇنىڭ ئىنسانىيەت دۇنياسىغا قىلغان «خەير-ساخاۋەت» ىدىن ئىبارەت.
ئالما نۆۋەتتە پۈتۈن دۇنيا يانفون بازىرىنىڭ %50 پايدىسىنى چاڭگىلىغا ئېلىپ بولدى. ئەمما ئۇنىڭ جاي-جايلاردىكى ۋاكالىتەن ساتقۇچى ۋە باشقا تۈردىكى ھەمكارلىق ئورناتقان شىركەت بۇنىڭدىن نەپكە ئېرىشەلمىدى ياكى قەرزگە بوغۇلۇپ كەتتى. دەل مۇشۇ خىل بېسىم سەۋەبىدىن Foxconn شىركىتى «سوغۇق زاۋۇت» قا ئايلىنىپ قالدى. نۆۋەتتە، ئالما شىركىتىنىڭ مونوپوللۇق ئورنىغا باشقا شىركەتلەر پۇت ئاتالمايدۇ، ئادەمنى تېخى ھەيران قالدۇرىدىغىنى ئالما شىركىتىنىڭ بۇ خىل ئىپادىسى مۇشۇ ساھەدىكى نۇرغۇن شىركەتلەرنى پۇتى كۆيگەن توخۇدەك يامان ئەھۋالغا چۈشۈرۈپ قويدى.

2. يېڭىلىق يارىتىش ۋە يېڭىلىق يارىتىشنى بەربات قىلىش

ئالما شىركىتى دۇنيادىكى يېڭىلىق يارىتىش ئىقتىدارى ئەڭ يۇقىرى شىركەتلەرنىڭ بىرى، جوبىزنىڭ مۇنداق قائىدىسى بار: « ياكى مەن بىلەن ئوينايسەن، ياكى بۇ يەردىن چىقىپ كېتىسەن!» بۇنىڭدىن ئېنىق كۆرۈنۈپ تۇرۇپتىكى، ئۇ يېڭىلىق يارىتىش، رىقابەت ۋە يېڭىلىق يارىتىشنى بەربات قىلىش بىلەن ئۆزىنىڭ تەسىرىنى تىكلىگەن. شۇنداق، ئالما شىركىتى مۆجىزە خاراكتېرلىك يېڭىلىقلارنى ياراتتى ۋە بىز بۇندىن بۇرۇن «يېڭى» دەپ قاراپ كەلگەن تېخنىكىلارنىڭ ۋاقتى ئۆتكەنلىكىنى ئېسىمىزگە سالدى.

3. ئالما مەھسۇلاتلىرى زاۋۇتتىن چىقىشتىن بۇرۇن ۋە كېيىنكى ئۆزگىرىشلەر

«جوبىزنىڭ مەھسۇلاتى چىقىشتىن بۇرۇن بىر نۇرغۇن قىياسلارنى ئوتتۇرىغا قويىمىز، مەھسۇلات چىقىپ بولغاندىن كېيىن، بىز يېڭىلىق يارىتىشقا جۈرئەت قىلالمايمىز»- مانا بۇ دۇنيادىكى ئوتتۇرا-كىچىك كارخانىلارنىڭ ئېچىنىشلىق نىداسى.
جوبىز مانا مۇشۇنداق ئادەم، ئۇنى ئۈلگە قىلماڭ، بەرىبىر سىز ئىككىنچى ئالما شىركىتىنى قۇرالمايسىز، ئۇ باشتىن ئاخىرى بىر ئاددىي ئادەم، ئۇ ئۆزىنىڭ مەنسىپىنى پەش قىلىپ باقمىغان. ئەمما ئۇ ۋاپات بولۇشتىن بۇرۇن، خىزمەتداشلىرىنى مىليونېرغا ئايلاندۇرۇشتەك ئۇلۇغۋار ئارزۇسىنى تاماملىدى. شۇڭا، نۆۋەتتىكى ئالىي مەكتەپتىكى ياشلار ئۇنى ئالدىراپ ئۈلگە ياكى دوراش ئوبيېكتى قىلماڭ، دورايمەن دەپ دوراپ بولالمايسىز، ئۇ ئاشۇنداق «ياخشى» ۋە ئاددىي ئادەم.

ئادەتتىكى كىشىلەرنىڭكىگە ئوخشىمايدىغان سومالى دېڭىز قاراقچىلىرىنىڭ كۈندىلىك تۇرمۇشىدىن بىر قىسىم كەسمىلەر

تورخۇمار — Fri, 17 Feb 2012 16:38:00 +0000

2008-يىلى «ئوتتۇرا قىسىم دېڭىز چارلاش ئەترىتى» جەمئىي 29 كېمىگە ھۇجۇم قىلغان بولۇپ، كىرىمى 10 مىليون دوللاردىن ئاشقان، بۇنىڭ ئىچىدە ھەسەن بىر ئادەمنىڭ تاپاۋىتىلا 350 مىڭ ئامېرىكا دوللىرى بولغان. تۆۋەندىكى سۈرەتلەر بولسا، ھەسەن قاتارلىق كىشىلەرنىڭ بىر كېمىگە ھۇجۇم قىلىش ئۈچۈن تەييارلىق قىلىۋاتقان كۆرۈنۈشلىرى…

تۆۋەندىكى يازمىلارمۇ ناھايىتى قالتىس يازمىلار:
دېسەم ئىشەنمەيسىز ھەقىچان؟ بەزىدە سىز تاشلىۋەتكەن ئەخلەتلەرمۇ ئاجايىپ ئوماق بولۇپ كېتىدۇ!	بىز بىلىدىغان ئەشۇ Windows ھەققىدە رىۋايەت(3)	بالمېرنىڭ قورقۇنچلۇق چۈشى يېتىپ كەلدىمۇ؟ مىكروسوفتنىڭ زاۋاللىققا يۈزلىنىشىدىكى سەككىز سەۋەپ	سەزگۈ ئېكران تېخنىكىسىدىكى ئۇقۇم دەرىزىسى سەپلەنگەن Toyota ماركىلىق ئاپتوموبېل، مانا بۇ كەلگۈسى دۇنيا!	كۆمۈلگەن مەخپىيەتلىك: Windows 95 نىڭ قوزغىلىش مۇزىكىسى ئەسلىدە Mac كومپيۇتېرىدا ئىشلىنىپتىكەن!!!
无觅

تۆۋەندىكى يازمىلارمۇ ناھايىتى قالتىس يازمىلار:
ئامېرىكا تېلىۋېزىيە تىياتىرلىرى پۇلنى قانداق تېجەيدۇ بىلەمسىز؟ كىنو-فىلىم ئالاھىدە ئۈنۈم تېخنىكىسى	يانفوندا تارتقان سۈرەتتىكى ئارتۇق ئېلىمېنتلارنى خالىغانچە ئۆچۈرىۋەتكىلى بولىدىغان ئاجايىپ سىرلىق تېخنىكا!	ماشىنا ئاڭلىغاچ كېتىپ بېرىپ ئاڭلايدىغان بىر يۈرۈش تاللانما ناخشىلار…	سەزمە ئەينەك ئېكرانلىق بىر كۈنلۈك تۇرمۇش كارتىنىسى سىزنى چوقۇم ھەيران قالدۇرىشى مۇمكىن…	يەنە بىر خىل رېئاللىق يورۇتۇپ بېرىلگەن يۇقىرى تەسەۋۋۇرغا ئىگە CG رەسىملەر(30P)
无觅

تۆۋەندىكى يازمىلارمۇ ناھايىتى قالتىس يازمىلار:
iPhone نىڭ ئالدى كامېراسىنى قوزغىتىپ ئوغرىنىڭ سۈرىتىنى تارتىپ يوللاپ بېرىدىغان ئاجايىپ كۈچلۈك ئەپ!	نېمە ئۈچۈن iPhone ياكى iPad نىڭ سېزىمچان ئېكرانى Android قا قارىغاندا شۇنچە راۋان ۋە راھەت بىلەمسىز؟	چەتئەللىك سېھرىگەر بىرلا ۋاقىتتا ئۈچ دانە iPhone ئارقىلىق كۆرسەتكەن سېھرىگەرلىك ماھارىتى	قىزىقارلىق فىلىم: سەن تولا كۆرەڭلىمە iPhone!!! يانفون ئائىلىسىدىكىلەرنىڭ بىر كۈنلۈك يىغىلىش پائالىيىتى…	ئالما شىركىتى قانداق قىلىپ iPad توغرىسىدىكى مەخپىيەتلىكلەرنى بۇنچە چىڭ ساقلىيالىغان؟
无觅

تۆۋەندىكى يازمىلارمۇ ناھايىتى قالتىس يازمىلار:
دېسەم ئىشەنمەيسىز ھەقىچان؟ بەزىدە سىز تاشلىۋەتكەن ئەخلەتلەرمۇ ئاجايىپ ئوماق بولۇپ كېتىدۇ!	ئامېرىكا تېلىۋېزىيە تىياتىرلىرى پۇلنى قانداق تېجەيدۇ بىلەمسىز؟ كىنو-فىلىم ئالاھىدە ئۈنۈم تېخنىكىسى	يانفوندا تارتقان سۈرەتتىكى ئارتۇق ئېلىمېنتلارنى خالىغانچە ئۆچۈرىۋەتكىلى بولىدىغان ئاجايىپ سىرلىق تېخنىكا!	فرانسىيە Canal+ تېلىۋېزىيە ئىستانسىسىنىڭ ئۆزگىچە ئىشلەنگەن ئېلان فىلىمى – The Bear	iPhone نىڭ ئالدى كامېراسىنى قوزغىتىپ ئوغرىنىڭ سۈرىتىنى تارتىپ يوللاپ بېرىدىغان ئاجايىپ كۈچلۈك ئەپ!
无觅

تۆۋەندىكى يازمىلارمۇ ناھايىتى قالتىس يازمىلار:
تەبىئەتتىكى ھەرقانداق بىر نەرسە ئىنسانلارنىڭ يېڭىلىق يارىتىشىنى توسۇپ قالالىغان ئەمەس، ئېغىرلىق كۈچىمۇ شۇ!	فرانسىيە Canal+ تېلىۋېزىيە ئىستانسىسىنىڭ ئۆزگىچە ئىشلەنگەن ئېلان فىلىمى – The Bear	سەزمە ئەينەك ئېكرانلىق بىر كۈنلۈك تۇرمۇش كارتىنىسى سىزنى چوقۇم ھەيران قالدۇرىشى مۇمكىن…	82-قېتىملىق ئوسكار مۇكاپاتى نامزاتىغا كىرگەن نادىر ئەسەر – فرانسىيە قاقلىما كاۋىپى(French Roast)	iPhone نىڭ ئالدى كامېراسىنى قوزغىتىپ ئوغرىنىڭ سۈرىتىنى تارتىپ يوللاپ بېرىدىغان ئاجايىپ كۈچلۈك ئەپ!
无觅

تۆۋەندىكى يازمىلارمۇ ناھايىتى قالتىس يازمىلار:
دېسەم ئىشەنمەيسىز ھەقىچان؟ بەزىدە سىز تاشلىۋەتكەن ئەخلەتلەرمۇ ئاجايىپ ئوماق بولۇپ كېتىدۇ!	بىز زادى قايسى خىل ئۇسۇلدا تەپەككۇر قىلىشىمىز كېرەك؟	腾讯 شىركىتىنىڭ CEO سى 马化腾 نىڭ 50 مىليونلۇق ھەشىمەتلىك داچىسىنىڭ سىرى!	دەرسخانا ئالبومى – كىشىنىڭ ئاجايىپ زوقىنى كەلتۈرىدىغان بىر يۈرۈش ئوقۇغۇچىلار فوتو-سۈرەت ئەسەرلىرى	iPhone دا ئۇيغۇرچە كىرگۈزۈش تەس ئەمەس! iOS تىكى ئۇيغۇرچە ئەپ – خاتىرەم(iPhone/iPad ھەممىنى قوللايدۇ)
无觅