ئاڭلاشلارغا قارىغاندا، ئۇزۇن زامانلار ئىلگىرى ئەسلى يەر يۈزىدىكى بارلىق قۇرۇقلار بىر-بىرىگە تۇتاش ئىكەنتۇق. بىراق، بارلىق ئىشلار ئەسلىدە مۇشۇ دەقىقىدىن باشلانغان ئىكەن…گەپكە كەلسەك، مۇز ئېراسى(Ice Age) ناملىق بۇ 3D كارتون فىلىم ئارىمىزدا ھېچقايسىمىزغا ناتونۇش ئەمەسقۇ دەيمەن. سۈرەتكە ئېلىش خىزمىتى ئاللىقاچان باشلانغان «مۇز ئېراسى 4-بۆلۈم: قۇرۇقلۇقنىڭ لەيلىشى» 2012-يىلى 7-ئاينىڭ 13-كۈنى يەرشارى بويىچە تەڭلا قويۇلىدىغان بولۇپ، ئىلگىرى كۆپچىلىك بىلەن بىرگە بۇ فىلىمنىڭ «تىيىنچاقنىڭ چوڭ قۇرۇقلۇقنى پارچىلىۋېتىشى» ناملىق تەشۋىقات فىلىمىنى كۆرۈپ ئۆتكەن ئىدۇق، يېقىندا بۇ فىلىمنىڭ ئىككىنچى تەشۋىقات فىلىمى ئېلان قىلىنغان بولۇپ، فىلىمدە يەنە يېڭى بىر قىسىم پېرسوناژلارنىڭ ئىزناسىنىمۇ كۆرگىلى بولىدۇ!

«مۇز ئېراسى(يەنە بىر ئىسمى مۇز دەۋرى)» ناملىق بۇ نادىر 3D كارتون فىلىم بولسا، كۆك ئاسمان كارتون ستۇدىيوسى(Blue Sky Studios) تەرىپىدىن ئىشلىنىپ 2002-يىلى تۇنجى قېتىم كۆپچىلىك بىلەن يۈز كۆرۈشكەن. فىلىمدە بىر توپ يەرشارى مۇز دەۋرىدە تۇرىۋاتقان چاغدا ياشىغان ھايۋاناتلارنىڭ خەتەرگە تەۋەككۈل قىلىش سەپىرى تۇتقا قىلىنىپ، ھەرخىل ئۆزگىچە ئوبرازلار بىلەن تاماشىبىنلارنى ئۆزىگە كۈچلۈك جەلپ قىلىپ كەلگەن. 2002-يىلى «مۇز ئېراسى1» نىڭ بېلەت كىرىمى پەقەت 383 مىليون ئامېرىكا دوللىرى بولۇپ، 2006-يىلى مەزكۇر فىلىمنىڭ ئىككىنچى بۆلۈمى «مۇز ئېراسى2: مۇزلارنىڭ ئېرىشى»(Ice Age: The Meltdown) پۈتۈن يەرشارى بويىچە ئالتە 655 مىليون ئامېرىكا دوللىرىلىق بېلەت كىرىمى ياراتقان، ئۆتكەن يىلى قويۇلغان مەزكۇر كارتون سېستىمىسىدىكى تۇنجى 3D ئەسەر ئۈچىنچى بۆلۈم «مۇز ئېراسى3: دىنوزاۋر دەۋرى»(Ice Age: Dawn of the Dinosaurs) بولسا تېخىمۇ يۇقىرىلاپ 848 مىليون ئامېرىكا دوللىرىلىق بېلەت كىرىمى ياراتقان.

فىلىمنىڭ ھەر بىر قىسمىنىڭ قويۇلىشىغا ئەگىشىپ بېلەت كىرىمىنىڭ بارغانسىرى ئېشىۋاتقانلىقىنى ھېس قىلغان 20-ئەسىر فوكىس شىركىتىنىڭ فىلىمنىڭ داۋامىنى ئىشلەشكە قىزىقىشى بۇ تەبىئىي ئىش. «مۇز ئېراسى4: قۇرۇقلۇقنىڭ پارچىلىنىشى» دېگەن بۇ فىلىم نامىغا قارىغاندا، كۆپچىلىك بۇ بۆلۈمدە ئاساسلىق يۈز بېرىدىغان ۋەقەلەرنى پەرەز قىلالىشى مۇمكىن، ئەلۋەتتە بىزمۇ كەڭ فىلىم مەستانىلىرى بىلەن بىرگە فىلىمنىڭ يېڭى قىسىملىرىدىكى ھاياجانلىق كۆرۈنۈشلەرگە داۋاملىق تەقەززامىز. تۆۋەندە مەزكۇر فىلىمنىڭ ئەڭ يېڭى تەشۋىق فىلىملىرىنى كۆرۈپ چىقايلى.

Ice Age_ Continental Drift قۇرۇقلۇقنىڭ پارچىلىنىشى1

Ice Age_ Continental Drift قۇرۇقلۇقنىڭ پارچىلىنىشى2