ئۈستىدىكى فىلىم- 2009-يىلى ئىشلەنگەن ھىندى فىلىمى «خۇدا قوشقان بىر جۈپلەر» فىلىمى بولۇپ، ھىندى چولپىنى شاھرۇھخاننىڭ يەنە بىر نادىر ئەسىرى بولۇپ ھېسابلىنىدۇ. ئىلگىرى بۇ فىلىمنى كۆرگەن چاغدا، ناخشىلىرىنى ئاڭلىمايلا ئۆتكۈزىۋېتىپتىكەنمەن. ئالدىنقى كۈنى توردىن بۇ فىلىمنىڭ تەشۋىقات فىلىمىنى ئۇچرىتىپ قېلىپ مۇنداقلا قويۇپ بېقىۋېدىم، كارامەت كۆز ئالدىمدا شۇ ھامان نامايەن بولدى، ئەسلىدە شاھرۇھخان بىرگە ماھىر، كۆپكە قادىر يېتىشكەن ناخشىچىكەن ئەمەسمۇ؟!!!

ناۋادا ئۈستىدىكى مۇبالىغە سۆزلىرى بىلەن سىزنى ئالداپ كىرگەن بولسام كەچۈرىسىز، ئاۋال يازمىغا كېلەيلى، قالدى گەپنى ئالدىرىماي دېيىشىۋالارمىز…
مەن ئۆزۈم ھىندى فىلىم مەستانىسى ئەمەس، بىراق ھىندىستاننىڭ يېقىنقى بىر نەچچە يىلدىن بېرى ئىشلەۋاتقان فىلىملىرىنى كۆرۈپ تۇرىۋاتىمەن، مەيلى سەۋىيە جەھەتتىن بولسۇن، ياكى ۋەقەلىك جەھەتتىن بولسۇن ئىلگىرىلەش خېلى زور(يەنە قۇرۇق گەپكە چۈشۈپ كەتتىممۇ نېمە؟!!!). مەزكۇر سىن، يۇقىرىدا تىلغا ئالغان «خۇدا قوشقان بىر جۈپلەر» فىلىمىنىڭ تەشۋىقات فىلىمى بولۇپ، ئەسلى ھىندىچە ناخشا بىزنىڭ مەلۇم ياش ناخشا چولپىنىمىز تەرىپىدىن ئىنتايىن يۇقىرى سەۋىيە بىلەن ئەسلى سىنغا بېسىلىپتۇ. ناخشىنىڭ تەرجىمە قىلىنغان قىلىنمىغانلىقىنى تەكشۈرۈپ باقمىدىم، بىراق ئەسلى سىندىكى كۆرۈنۈش بىلەن ناخشىنىڭ يۇقىرى دەرىجىدە بىرىكتۈرىۋېتىلىشى مېنى ھەيران قالدۇردى، بۇمۇ بىر يېڭىلىقكەن دەپ ئويلاپ، تورخۇمار دوستلار بىلەن بىرلىكتە ھوزۇرلىنىش ئۈچۈن ئۇشبۇ تېمىنى يوللاشنى لايىق كۆردۈم.

پەرقلىق بولسۇن ئۈچۈن، مەن يەنە توردىن ئەسلى تەشۋىقات فىلىمىنىڭ يۇقىرى ئېنىقلىقتىكى نۇسخىسىنى تېپىپ، 优酷 تورىغا يوللاپ قويدۇم. تۆۋەندىكىسى ئەسلى تەشۋىقات فىلىمى:

ئۇيغۇرچە نۇسخىسى: