بىر نەپەر ئامېرىكىلىق فوتوگراف ۋە ئوغلى بىرلىكتە نەچچە ئاي ۋاقىت سەرپ قىلىپ، شار، iPhone، يۇقىرى ئېنىقلىقتىكى كامېرا ۋە تاماق قاچىسى قاتارلىقلارنى خام-ئەشيا قىلىپ بىر دانە «ئۇچار كېمە» ياساپ چىقىپتۇ ۋە بۇ يىل 8-ئايدا ئوڭۇشلۇق ھالدا ئالەم بوشلۇقىغا قويۇپ بېرىپ، يەرشارىنىڭ سىرتقى مەنزىرىسىنى سۈرەتكە ئېلىۋاپتۇ…

Luke Geissbuhler ئىسىملىك بۇ فوتوگراف ئۆزىنىڭ 7 ياشلىق ئوغلى مەكس بىلەن بىرلىكتە يۇقىرىدا تىلغا ئالغان خام ئەشيالارنى بىرلەشتۈرۈپ، بىر ئۈسكۈنە ياساپ مۇۋاپىقىيەتلىك ھالدا ئالەم بوشلۇقىغا چىقارغان، ئالەم بوشلۇقىدىن تارتىۋالغان كۆرۈنۈشلەر ئامېرىكا ئالەم ھاۋا-قاتنىشى ئىدارىسىنىڭ تارتقان كۆرۈنۈشلىرىدىن قېلىشمايدىغان بولۇپ، يۇقىرى ئېنىقلىقتىكى كامېرا ئارقىلىق ئۇچۇرلارنى iPhone غا ساقلاپ بەرگەن.
ئاتا بالا ئىككەيلەن نەچچە ئاي كۆزىتىش ئارقىلىق، بۇ يىل 8-ئايدا گاز شارىنى قويۇپ بەرگەن، 102 مىنۇتلۇق ھاۋا سەپىرى ئارقىلىق، iPhone گاز شارىنى يەر يۈزىدىن تەخمىنەن 30,000 مېتىر ئېگىزلىكتىكى بوشلۇققا چىقارغان ۋە شۇ ئېگىزلىكتىكى كۆرۈنۈشلەرنى مۇۋاپىقىيەتلىك سۈرەتكە ئېلىۋالغان، ئۇنىڭدىن كېيىن، زىچ ھاۋا بېسىمىنىڭ تەسىرى تۈپەيلى شار ئېتىلىپ، ئومۇمى قۇرۇلما پەسكە تۆۋەنلەشكە باشلىغان ۋە يەرشارىغا چۈشۈپ كەتكەن. ئاتا-بالا ئىككىيلەن iPhone دىكى GPS(خەلقئارا ئورۇن بەلگىلەش سېستىمىسى) ئارقىلىق، بىر تۈپ دەرەخكە ئىلمىشىپ قالغان iPhone قۇرۇلمىسىنى تاپقان.

Luke Geissbuhler نىڭ مۇخبىرغا دېيىشىچە، ئۇ دائىم ئوغلى بىلەن بىرلىكتە بىرەر يېڭىچە مەنىلىك ئىش قىلىشنى، بۇ ئارقىلىق ئوغلىغا ئازراق خۇشھاللىق ۋە ھاياجان ئاتا قىلىشنى ئويلاپ يۈرگىلى خېلى بولغانىكەن، ئۇ مۇخبىرغا: « گەرچە بۇ قېتىمقى قويۇپ بېرىشنىڭ غەلبە قازىنىش ئېھتىماللىقى 30% بولسىمۇ، بىراق ئوغلۇم ئۈچۈن يەنىلا سىناپ بېقىش قارارىغا كەلدىم، كۈتۈلمىگەندە تەلىيىم ناھايىتى ئوڭدىن كەلدى» دېگەن.