بىرەيلەن قىز دوستىغا iPhone سېتىۋېلىپ سوۋغا قىپتۇ، بىراق كۈتۈلمىگەندە، ئىككىنچى كۈنى قىز ئۇنىڭدىن ئايرىلىپ كېتىپتۇ. بۇ قىزنىڭ نېرۋىسىدا چاتاق بارمۇ ياكى يىگىتتىن بىرەر سەۋەنلىك ئۆتۈلدىمۇ؟ تۆۋەندە تەپسىلاتىنى يىگىتىنىڭ ئاغزىدىن ئاڭلايلى…

تۆنۈگۈن قىز دوستۇم بىلەن تونۇشقانلىقىمىزنىڭ بىر يىللىق خاتىرە كۈنى ئىدى، ئالدىنقى كۈنى قىز دوستۇمدىن نېمىنى ياقتۇرىسىز دەپ سورىسام، ئۇ iPhone 4 دەپ بىر يانفون چىقىپتۇ، شۇنىڭغا بەك ئامراق بوپ قالدىم دېدى. شۇنىڭ بىلەن شۇ كۈنى چۈشتىن كېيىنلا يانفون بازىرىغا چاپتىم. قىز دوستۇمنى بىر خۇش قىلىۋىتەيچۇ؟

- خوجايىن، سىلەرنىڭ بۇ يەردە iPhone 4 بارما؟

- شۇنداق

- قانچە پۇل؟

- 420 سوم

شۇ ھامانلا ئارقامغا ئۇچۇپ كەتكىلى تاس قالدىم. نېمە دېگەن قىممەت تېلىفون بۇ؟! يەنە ئويلاپ باقسام، مۇھەببىتىمىزنىڭ بىر يىللىق خاتىرە كۈنىكەن، بوپتىلا، ئالسام ئالاي دەپ ئويلىدىم ۋە خوجايىندىن سورىدىم.

- ئەرزانراق بەرمەمسىز؟

- بالاڭزا، ماۋۇ دېگەن خەلقئارالىق ماركا جۇما؟! ھەقىقى ئالتۇن يالىتىلغان، 50 مېتىر چوڭقۇرلۇقتىكى سۇدا ھېچنىمە بولمايدۇ، سترېئولۇق ئاۋاز ئۈنىمى ئالاھىدە يۇقىرى، قىز دوستىڭىز سومكىسىنىڭ ئەڭ چوڭقۇر يېرىگە سېلىۋالسىمۇ تېلىفون ئاۋازىنى ئاڭلىيالماسلىقىدىن ئەندىشە قىلىش ھاجەتسىز. ئىچكى سىغىمى ئالاھىدە چوڭ، 20000 دانە قىسقا ئۇچۇر پاتىدۇ، كۆكچىش، سىمسىز تورغا چىقىش، 3G تورىدا پاراڭلىشىش، ھەتتا تېلىۋېزور كۆرۈش، رادىئو ئاڭلاش ئىقتىدارلىرى بار تەڭداشسىز يانفون بۇ!

قىز دوستۇمغا ئالىدىغانلىقىمنى قانداق بىلىۋالدىكىنا؟ سودىگەر دېگەن مۇشۇنداق يامان خەق دېسە، بوپتۇ يەنە بىر تالىشىپ باقاي.

- بولسا ئەرزانراق بەرسىڭىز خوجايىن(ئەمەلىيەتتە شۇ چاغدا خۇشاللىقىمدىن قىن-قىنىمغا پاتماي قالدىم، پەچچەت تېلىفونكەن جۇما؟!)

- ناۋادا بەك ئالغۇڭىز بولسا، بوپتۇ 350 كە بېرەي

- 300 سوم بېرەي، قانداق؟

- 300 گە كەم بولىدۇ ئۇكەم، بىزمۇ 300 دىن ئالالمايمىز

بۇ دۇكاندىن ئۆزۈم كۆزلىگەن باھاغا ئالالمايدىغانلىقىمنى پەملەپ كەينىمگە بۇرۇلدۇم…دەل شۇ چاغدا خوجايىن چاقىرىپ قالدى.

- بولدى كېلىڭە ئۇكام، سىزگە بىرنى زىيىنىغا ساتقان بولاي، قىز دوستىڭىزنى بىر خۇش قىلىۋېلىڭە مېنىڭ باھانەمدە

تېلىفوننى قولامغا ئېلىپ خوشلۇقۇمدا سەكرەپ كەتتىم، ئەجەپ قالتىس بولدى!!! 256MB لىق دەرىجىدىن تاشقىرى چوڭ ئىچكى ساقلىغۇچ سەپلەنگەن يانفونغا، ئابلاجاننىڭ ئۇمماق ئۇمماق جانانىمدىن نەچچىسى پېتىپ كېتە ھە؟!! ھا ھا ھا!!! قىز دوستۇم چوقۇم خوشلىقىدىن ئىشتىنىغا سىيىۋىتىدىغان بولدىدە؟!

ئەمما كېيىنكى ئىشلار دەل ئويلىغىنىمنىڭ ئەكسىچە بولدى. تۈنۈگۈن تېلىفوننى قىز دوستۇمغا سوۋغا قىلغان چېغىمدا، ئۇنىڭ چىرايىدىن سەل خاپا بولۇپ قالغاندەك ھېس قىلدىم، تېخىمۇ يامان بولغىنى، بۈگۈن تېلىفون قىلىپ ئايرىلىپ كېتەيلى دەيدۇ.

ئولتۇرغان كۆپچىلىكتىن شۇنى سوراپ باققۇم كېلىۋاتىدۇ، ئەجىبا مېنىڭ قىلغىنىم خاتامۇ؟ مەن زادى قانداق قىلىشىم كېرەك؟

تۆۋەندىكىسى مەن ئۇنىڭغا سوۋغا قىلغان iPhone 4