1986-يىلى 3-ئاينىڭ 13-كۈنى قۇرۇلغىنىغا ئەمدىلا 10 يىلدىن ئاشقان مىكروسوفت شىركىتى رەسمىي ھالدا پاي چېكىنى بازارغا سېلىپ،  61 مىليون ئامېرىكا دوللىرى مەبلەغ توپلىدى. شۇ ۋاقىتتا 30 ياشقا كىرگەن بىل.گېيتىس ئۆزىنىڭ پېيىغا تايىنىپلا، بۈگۈنكى كۈندىكى كاتتا بايغا ئايلاندى…

ئالدىنقى ھەپتىنىڭ يەكشەنبە كۈنى، يەنى 2011-يىلى 3-ئاينىڭ 13-كۈنى مىكروسوفت پايچېكىنى بازارغا سالغىنىغا دەل 25 يىل بولىدۇ. ئەگەر سىز 25 يىل بۇرۇنقى ئالدىن كۆرەر، بازار ۋە ئېھتىياجىنى توغرا مۆلچەرلىيەلەيدىغان، شىركەتلەرنىڭ مالىيە دوكلاتىغا ئاساسەن ئۆزگىچە يەكۈنلەرنى چىقىرالايدىغان كىشى بولۇپ،  مىكروسوفتنىڭ باھاسى 21 دوللارلىق پاي چېكىدىن 100 دانىنى سېتىۋالغان بولسىڭىز، بۈگۈنكى كۈندە قانچىلىك پۇلنىڭ ئىگىسىگە ئايلىندىغانلىقىڭىزنى تەسەۋۋۇر قىلالامسىز؟

ئۇنداقتا، بىز بىرلىكتە ھېسابلاپ باقايلى، مىكروسوفتنىڭ 21 دوللارلىق 100 دانە ياپچېكىنىڭ باھاسى 2100 ئامېرىكا دوللىرى بولىدۇ. ئۆتكەن 25 يىلدا مىكروسوفت پايچېكلىرىنى توققۇز قېتىم بۆلدى، ئۇنداقتا ئەينى ۋاقىتتىكى 100 دانە پايچېكى بۈگۈنكى 28 مىڭ 800 دانە پايچېكىگە تەڭ بولىدۇ. بۇنىڭ قانچە پۇل بولىدىغانلىقىنى بىلەمسىز؟ بۇ 750 مىڭ ئامېرىكا دوللىرى بولىدۇ.
1999-يىلى 12-ئاينىڭ 1-كۈنى مىكروسوفتنىڭ پاي باھاسى 58.38 ئامېرىكا دوللىرى بولۇپ، ئەگەر ئۇ سىز مىكروسوفتنىڭ پايچېكىگە ئايلانغان بولسىڭىز، 1 مىليون 400 مىڭ ئامېرىكا دوللىرىنىڭ ئىگىسىگە ئايلانغان بولاتتىڭىز!!!

قانداق؟ مەبلەغ سېلىشنىڭ سىزگە بەرگەن دوكلاتى قانداقراقكەن؟ مانا بۇ پۇرسەت دېيىلىدۇ، پۇرسەتپەرەسلەر ئۈچۈن بۇنداق پۇرسەتنىڭ بار ئىكەنلىكى 25 يىلدىن، ھەتتا 50 يىلدىن كېيىن مەلۇم بولىدۇ، بەلكىم بىر ئۆمۈر ئۇلار بۇنداق نەرسىنىڭ دۇنيادا مەۋجۇت ئىكەنلىكىگە گۇمانىي قارىشى، ھەتتا ئىشەنمەسلىكى مۇمكىن. ئۇلار پەقەت كۆرگىلى، تۇتقىلى، يېگىلى بولىدىغان نەرسىلەرگە پاي قوشۇش ناھايىتى ئىشەنچلىك دەپ قارايدۇ، ئەمەلىيەتتە ئۇلار ئەتىدىن كەچكىچە پالاقلاپ يۈرۈپ، باشقىلارنىڭ يۈگۈر-يېتىم ئىشلىرىدىن باشقىغا يارىمايدۇ، ئۇلار شىركەتلەرنىڭ مالىيە دوكلاتلىرىنى كۆرۈپ بىر نەرسىنى چۈشىنىش تۈگۈل، يەنىلا ئۆزىنىڭ بىر تال موخوركىسىنى چېكىپ، ئاسان پۇل تېپىشنىڭ يوللىرىنى ئويلايدۇ.