بەزىدە يانفون ياكى MP3، MP4 قويغۇچلىرىدا ناخشا ئاڭلىغىنىمىزدا ياكى كومپيۇتېردىكى Windows Media Player قاتارلىق قويغۇچلاردا MP3، WMA قاتارلىق فورماتتىكى ناخشا ھۆججەتلىرىنى قويغىنىمىزدا، ناخشا قويغۇچنىڭ يۈزىدە رەسىم پەيدا بولۇپ قالغانلىقىنى بايقايمىز، يەنە بەزى ناخشا تور بېكەتلىرىدىن ناخشا چۈشۈرگىنىمىزدە كۆپىنچە بۇ تور بېكەت MP3 ناخشا ئۇچۇرلىرىغا ئۆزىنىڭ تور بېكەت ئادرېسىنى قوشۇپ قويغانلىقىنى بايقايمىز. ئەمەلىيەتتە، MP3 ئۇچۇرلىرىنى توپ ھالدا ئۆزگەرتىش ۋە تەگرەسىم قىستۇرۇش ئارقىلىق مەيلى كومپيۇتېر بولسۇن، ياكى يانفون، MP3، MP4، iPod قاتارلىق ئۈسكۈنىلەردە، ناخشىلارنى ئالبوم بويىچە رەتلەشنى ئاسانلاشتۇرغىلى، توغرا بولغان ناخشا ئۇچۇرلىرى ۋە ئالبوم رەسىملىرى ئارقىلىق، ئەڭ تېز سۈرئەتتە ئۆزىمىز ئاڭلىماقچى بولغان ناخشىلارنى ئىزدەپ تېپىپ ئاڭلىغىلى بولىدۇ.

Mp3tag دەپ ئاتىلىدىغان بىر خىل يۇمشاق دېتال ئارقىلىق، MP3 ھۆججەتلىرىنىڭ ئۇچۇرلىرىنى خالىغانچە تەھرىرلەشكە بولىدۇ. Mp3tag ئارقىلىق MP3 ھۆججىتىنىڭ ئۇچۇرلىرىدىكى 演唱者،专集،年月،流派،注释 قاتارلىق ئۇچۇرلارنى تەھرىرلەشكە بولۇپلا قالماستىن، يەنە ناخشا ھۆججىتىگە ئالبوم رەسىمى بەلگىلەشكىمۇ بولىدۇ.

Mp3Tag نىڭ ئومۇمى كۆرۈنمە يۈزى

Mp3Tag پۈتۈنلەي ھەقسىز يۇمشاق دېتال بولۇپ، ئەڭ مۇھىم ئالاھىدىلىكىنىڭ بىرى، MP3 فورماتىدىكى ناخشىلارنىڭ ئۇچۇرلىرىنى توپ ھالدا ئۆزگەرتىشكە بولىدۇ. Mp3Tag بىر خىل كۆپ تىللىق ھەقسىز يۇمشاق دېتال بولۇپ، نۆۋەتتە تېخى ئۇيغۇرچە تىل بولىقى يوق، ناۋادا ئۇيغۇرچىلاشتۇرۇشنى خالايدىغان تورداشلار بولسا، Mp3Tag قاچىلانغان ھۆججەت قىسقۇچ ئىچىدىكى Lang مۇندەرىجىسىگە كىرىپ، ئۆزىمىزگە تونۇشلۇق بولغان خالىغان بىر تىل بولىقىنى تېپىپ تەھرىرلەپ قوشۇپ قويسا بولىدۇ. ناۋادا تىل بولىقىنى ماڭا ئەۋەتىپ بەرسىڭىز، مەن ۋەكالىتەن ئاپتور بىلەن ئالاقىلىشىپ، كېيىنكى نەشىرىدە ئۇيغۇرچە تىل بولىقىنىڭ قوشۇپ تارقىتىلىشىنى قولغا كەلتۈرسەكمۇ بولىدۇ!

ئىشلىتىش ئۇسۇلى

Mp3Tag نى قوزغاتقاندىن كېيىن، سول تەرەپتىكى ئۇچۇر ئۆزگەرتىش ئورۇنلىرىدىن ناخشىلار بار ھۆججەت قىسقۇچنى تاللاپ بەرسەك، ئوڭ تەرەپتە ناخشىلار كۆرۈنىدۇ. ئاندىن ھەممىنى تاللاپ، سول تەرەپتىكى ئورۇندىكى ئۇچۇرلارنى ئۆزگەرتسەكلا كۇپايە. ناخشىغا ئالبوم رەسىمى قوشۇش ئۈچۈن، ئەڭ ئاستىدىكى رەسىم قوشۇش ئورنىدىن مائۇس ئوڭ كۇنۇپكىسىنى بېسىپ، رەسىمنى تاللاپ بەرسەكلا بولىدۇ. ئاخىرىدا ئۈستى قىسىمدىكى ساقلاش كۇنۇپكىسىنى باسساقلا بولىدۇ.

ئەسكەرتىش: ناۋادا ئۇچۇرلىرىنى ئۆزگەرتمەكچى بولغان ناخشا نۆۋەتتە قويۇلىۋاتقان بولسا، Mp3Tag ئەسكەرتىش ئۇچۇرى چىقىرىدۇ. بۇ چاغدا ناخشىنى توختىۋەتسەك ياكى داۋاملاشتۇرىمەن دېگەن كۇنۇپكىنى باسساق بولىدۇ.

ھۆججەت تەپسىلاتى

ھۆججەت نامى: Mp3Tag كۆپ تىللىق قاچىلاش ھاجەتسىز نەشىرى
ھۆججەت سىغىمى: 2.07MB
پرېستېن يېشىش پارولى: www.torhumar.com
ئورگان تور بېكىتى: http://www.mp3tag.de

دىققەت: چۈشۈرۈپ قوزغاتقاندىن كېيىن ناۋادا كۆرۈنمە يۈز ئېنگلىزچە كۆرۈنسە، تۆۋەندىكى تەرتىپ بويىچە خەنچىگە ئۆزگەرتىپ قويساق بولىدۇ:
Tools→Options→Language→Simpl.Chinese

چۈشۈرۈش مەنزىلى:

Mp3Tag نى چۈشۈرۈش | مەنبە: torhumar.com