10 نەچچە يىللىق ئارىسالدى بولۇش نەتىجىسىدە، مىكروسوفت بۈگۈن ئاخىرى Windows نىڭ بارلىق نەشىرىدىكى AutoRun(ئاپتوماتىك قوزغىلىش) ئىقتىدارىنى چەكلىۋەتكەنلىگىنى ئېلان قىلدى. AutoRun بولسا، Windows سېستىمىسىغا قولايلىق ئەپ كېلىدىغان، ئىشلەتكۈچىلەر USB لىق ئۈسكۈنە ياكى ياكى CD دېسكىسى قاتارلىق تاشقى ئېلىمېنتلارنى كومپيۇتېرغا ئۇلىغاندا، سېستىما ئاپتوماتىك ھالدا غول مۇندەرىجىدىكى Autorun.inf ھۆججىتىنى ئوقۇش ئارقىلىق بەلگىلەنگەن پروگراممىنى ئىجرا قىلىدىغان بىر ئىقتىدار ئىدى…

ئەمما كېيىن ئابونتلار شۇنى بايقىدىكى، بۇ خىل قولايلىق، بەزىبىر لۈكچەك يۇمشاق دېتال ۋە ۋىرۇسلار ئۈچۈن پايدىلىق شارائىت تەمىنلەپ بەرگەنىدى(بىز دائىم يولۇقۇپ تۇرىدىغان بارماقدېسكا ۋىرۇسلىرى مۇشۇ ئۇسۇلدا تارقىلىدۇ)، شۇڭا مىكروسوفت كېيىن Autorun غا قارىتا بىر قەدەر نازارەتنى كۈچەيتكەن ۋە ئابونتلار ئۈچۈن، Windows نىڭ تىزىملاش جەدۋېلىنى ئۆزگەرتىش ئارقىلىق بۇ ئىقتىدارنى چەكلەش شارائىتى تەمىنلىگەن ئىدى.

نەچچە يىللاردىن بېرى، Windows تىكى بۇ AutoRun(ئاپتوماتىك قوزغىتىش) ئىقتىدارى ئاساسەن يامان نىيەتلىك پروگراممىلار تەرىپىدىن ئىشلىتىپ كېلىندى، شۇڭا بۈگۈن ئېلان قىلىنغان بىر قېتىملىق «مۇھىم بىخەتەرلىك ياماقلىرى» ئارقىلىق، مىكروسوفت Windows نىڭ ھەر قايسى نەشىرلىرىدىكى AutoRun ئىقتىدارىنى تەلتۆكۈس چەكلىۋەتتى. بەلكىم بۇ بىر قىسىم بارماقدېسكىدىن يۇقىدىغان ۋىرۇسلارنىڭ ئالدىنى ئېلىشتا بەلگىلىك رول ئوينىيالىشى مۇمكىن.

بۇ ياماق تېخى يامالمىغان سېستىمىلار: ئوغرى نەشىرىدىكى ئاپتوماتىك يېڭىلاش ئىقتىدارى ئېتىۋېتىلگەن XP، Vista ۋە Windows 7. ناۋادا كومپيۇتېرغا 360 قاراۋۇلىغا ئوخشاش قوراللار ئورنىتىلغان بولسا، سېستىما ياماقلىرىنى ئاپتوماتىك يامىشى مۇمكىن. ناۋادا بۇمۇ قاچىلانمىغان كومپيۇتېر بولسا، ئەڭ ياخشىسى ئۆزىڭىزنىڭ ۋە كومپيۇتېرىڭىزنىڭ سالامەتلىگى ئۈچۈن، ھەقىقىي نەشىردىكى Windows سېستىمىسى ئىشلىتىڭ ياكى ياماقلارنى ۋاقتىدا ياماپ تۇرۇڭ.