بۇ بولسا 21 ياشلىق روسىيەلىك يىگىت Alexander Semenov بىزگە ئېلىپ كەلگەن «ئۆزگىرىشچان ماشىنا ئادەم(变形金刚)» فىلىمى بولۇپ، ئىسمىدىن چىقىپ تۇرۇپتۇ، ئۇنىڭ بۇ فىلىمنى ئىشلىشىگە ئاساسلىقى مايكول بېلنىڭ Transformers فىلىمى سەۋەپ بولغان. بۇ قىسقا فىلىمنى كۆرۈش ئارقىلىق شۇنى ھېس قىلىشقا بولىدۇكى، كومپيۇتېر تېخنىكىسى ۋە يۇمشاق دېتال ئۈنۈمى قاتارلىقلارنىڭ ئومۇملىشىغا ئەگىشىپ، ئاشۇ چوڭ تىپتىكى فانتازىيەلىك فىلىملەرنى ئىشلەش، پەقەت چوڭ تىپتىكى فىلىم ئىشلىگۈچى شىركەتلەرنىڭلا قولىدىن كېلىدىغان دەۋر ئاخىرلىشىپ قالىدىغانغا ئۇزاق قالمىغاندەك تۇرىدۇ.

فىلىم ئىشلىگۈچىنىڭ تونۇشتۇرىشىچە، فىلىمنى سۈرەتكە ئېلىشقا ئىككى سائەتچە ۋاقىت كەتكەن، فىلىمنى كىرىشتۈرۈپ تەھرىرلەش خىزمەتلىرىگە بىر ئاي ۋاقىت سەرپ قىلىنغان، بىراق فىلىمدىكى ئۈنۈم 变形金刚 فىلىمىدىن ھەرگىزمۇ قېلىشمىغۇدەك دەرىجىدە ئۈنۈمگە يەتكەن.