گەرچە Google Chrome ئېلان قىلىنىپ ئۇزاق بولغان ۋە ئاللىقاچان تورداشلارغا تونۇش بولۇپ كەتكەن بولسىمۇ، بىراق يەنىلا بىر پارچە تونۇشتۇرۇش ماقالىسى يېزىپ قويۇشنى مۇۋاپىق كۆردۈم، نېمىلا دېمىگەن بىلەن، ئارىمىزدا تور كۆرگۈ دېسە يەنىلا شۇ IE دىن باشقىنى بىلمەيدىغانلار خېلى كۆپ ساندا ئەمەسمۇ؟ شۇنداق، بۈگۈن تونۇشتۇرماقچى بولغان بۇ تور كۆرگۈنىڭ نامى Chrome.

2012-يىلى كېلەيلا دەپ قالدى.  بۇ يىل بولسا تورخۇمارلار كۇلۇبى ئۈچۈن تولىمۇ ئەھمىيەتلىك بىر يىل بولدى. ئاز-ئازدىن ئۆزگەرتىش، يازما يېڭىلاش، تورداشلار ئۈچۈن مۇقىم ۋە ئۆزگىچە پائالىيەت سورۇنى تەشكىللەش جەريانىدا نۇرغۇن ئىسسىق-سوغاقلارنى ئۆتكۈزۈپ مانا بۇ بىر يىلنىمۇ ئۇزىتىش ئالدىدا تۇرۇپتىمىز. تورخۇمارلار كۇلۇبى گەرچە بۇ بىر يىلدا كۆزگە كۆرۈنگۈدەك چوڭ نەتىجىلەرنى قولغا كەلتۈرمىگەن بولسىمۇ، بىراق بۇ بىر يىلدىكى تەرەققىيات نەتىجىسى خېلىلا ياخشى دەپ قارايمەن. ھېچ بولمىسا بىر قىسىم تورداشلارنىڭ قەلبىدە نادىر تور بېكەت، ئۇتۇقلۇق بلوگ دېگەن ناملاردا ئاتىلىشقىمۇ مۇيەسسەر بولۇپ ئۈلگۈرۈپتىمىز، بۇ تەرەپلەردىن مەن تولىمۇ خۇشال!

ھېچقانداق ئالاھىدە چاپلاشتۇرىدىغان نەرسە ئىشلىتىلمىگەن ئەھۋال ئاستىدا، تاش بىلەن تاشنى بىر-بىرىگە تۇتاشتۇرسا قانداق ھادىسە يۈز بېرىدىغاندۇ؟ سەنئەتكارلار ساپ سۈركىلىش كۈچى ۋە ئېغىرلىق كۈچىدىن پايدىلىنىپ، دېڭىز ساھىلىدىكى تاشلارنى سىرلىق ھالدا بىر-بىرىگە تۇتاشتۇرۇپ چىققان، ئەسلىدە قاتار يېتىپ كەتكەن قۇرام تاشلارغا شۇ ھامان «جان» كىرگەن! گەپنى جىق قىلماي دەرھال بۇ تاشلارنىڭ ئەتراپىغا ئولىشايلى!!!

نۇرغۇن كىشىلەرگە نىسبەتەن، Windows 95 نىڭ قوزغىلىش مۇزىكىسى ھېلىھەم قۇلاق تۈۋىدىن كەتمىگەندەك بىلىنىدۇ، بۇ مۇزىكا ئەنگلىيەلىك مۇزىكانت Brian Eno نىڭ قولىدىن چىققان بولۇپ، يەنە «مىكروسوفت ئاۋازى» دېگەن نامىمۇ بار، Eno ئۆزىمۇ كېيىن داڭلىق ئويۇن Spore نىڭ مۇناسىۋەتلىك مۇزىكىسىنى ئىشلەشكە قاتناشقان…

جەمئىيەتتە مەيلى سىز قايسى ئورۇن، قايسى سالاھىيەتتە بولۇڭ، ئۆزىڭىز قىلالايدىغاننى ئۆزىڭىز قىلىڭ. سىز ياخشى مۇلازىمەت قىلسىڭىز، ياخشى مۇلازىمەتكە ئېرىشسىڭىز… باشقا تەپسىلاتلارنى يەنىلا كۆپچىلىك بىلەن بىرگە ھوزۇر ئالسام دەيمەن.

يېقىندا دۆلىتىمىزدىكى داڭلىق پروگراممېرلار تور بېكىتى CSDN تەخمىنەن ئالتە مىليونغا يېقىن ئەزانىڭ ئۇچۇرىنى ئاشكارىلاپ قويدى، بۇ ئۇچۇرلار ئەزالىق نامى، ئى-خەت ھەمدە ھېچقانداق مەخپىيلەشتۈرۈش ئېلىپ بېرىلمىغان پارول قاتارلىقلارنى ئۆز ئىچىگە ئالىدىغان بولۇپ، كەينىدىن يەنە بىر قىسىم چوڭ تىپتىكى تور بېكەتلەر، مەسىلەن 人人网، CNZZ، 开心网 قاتارلىق 10 غا يېقىن تور بېكەتنىڭمۇ ئۇچۇرلىرى ئاشكارىلانغانلىقى مەلۇم بولدى.

شەپەرەڭ پالۋاننى ئارىمىزدا كۆرمىگەنلەر يوققۇ دەيمەن؟ ھېچ بولمىسا ئۇزاقى يىلى 8.9 نومۇرلۇق نەتىجە بىلەن IMDB دا 1-ئورۇنغا چىققان ”蝙蝠侠前传2:黑暗骑士“ نى كۆرگەن تورداشلار چوقۇم بار. مەزكۇر ئويۇن بولسا دەل مۇشۇ تىپتىكى ھېكايىلەرنىڭ باش قەھرىمانى شەپەرەڭ پالۋاننى تۇتقا قىلغان ئاساستا ئالدىنقى ئەۋلادقا ۋارىسلىق قىلىپ ئىشلەنگەن بۇ يىلقى يەنە بىر نادىر ئويۇن «شەپەرەڭ پالۋان: ئاركھىم شەھىرى» دۇر.

مىكروسوفتنىڭ IE تور كۆرگۈسى گۇرۇپپىسىنىڭ بىر ئەنئەنىسى بولۇپ، ھەر قېتىم ئۆزىنىڭ ئەڭ چوڭ رەقىبى بولغان Mozilla نىڭ FireFox تور كۆرگۈسى يېڭى نەشىر يېڭىلىغاندا، ئۇلار قارشى تەرەپكە بىر دانە تەبرىك تورتى سوۋغا قىلاتتىكەن، بىراق يېقىندىن بېرى ئوتتۈلكە تور كۆرگۈسىنىڭ نەشىرى توختاۋسىز يېڭىلىنىۋاتىدۇ، ئوتتۇرا ھېساب بىلەن ھەر ئالتە ھەپتىدە بىر چوڭ نەشىرى ئېلان قىلىنىدۇ، يەنى بۇ مىكروسوفتنىڭ ھەر ئالتە ھەپتىدە بىر قېتىم تورت سوۋغا قىلىشىدىن دېرەك بېرەتتى…

مۈشۈك ھازىر كىشىلەر ئەڭ كۆپ باقىدىغان ئەرمەك ھايۋاننىڭ بىرى بولۇپ قالدى. بەزىدە قىلىقلىرىنىڭ تاتلىقلىقىغا قاراپ كىشى ئىختىيارسىز كۈلۈپ سالىدۇ. ناۋادا مۇشۇ مۈشۈكلەرنىڭ ئەسنىشىگە ئادەم ئاۋازى بېرىلسە قانداق بولار؟!! ئەلۋەتتە، ئاۋۇ ياقتىن كۈلكە ئاۋازى كېلىۋاتىدۇ…

بۇ يەڭگىلتەك جەمئىيەتتە، ھەر بىر كىشى ئۆزىگە مۇناسىۋەتلىك بىر قاتلامغا بۆلۈنگەن بولىدۇ، ئۇلارنىڭ تىرىشچانلىق ۋە ئەستايىدىللىق بىلەن خىزمەت قىلىشى ئۆزىنىڭ تۇرمۇش ۋە غايىسى ئۈچۈندۇر، ئەمما ئاخىرىدا مۇرادىغا يېتىدىغان كىشى ئىنتايىن ئاز ساندا ياكى يوق دېيەرلىك، مەيلى تورت قانچىلىك چوڭ بولسۇن، ئەڭ ئاخىرىدا يەنىلا رەھىمسىزلىك بىلەن ئېكسپىلاتاتسىيەگە ئۇچرايدۇ…

تور ئارىلاۋېتىپ مەجبۇرىيەت چاقىرىقىنىڭ بارلىق قىسىملىرى كېسىپ تەھرىرلەنگەن ئىككى مىنۇتلۇق بۇ فىلىمى ئۇچرىتىپ قالدىم، تاكى 1-ئەۋلادتىن تارتىپ ئەڭ يېڭى «ھازىرقى زامان ئۇرۇشى3» تەسۋىرلەنگەن 8-ئەۋلادقىچە بولغان نادىر كۆرۈنۈشلەرنى ئۇستىلىق بىلەن كېسىپ كىرىشتۈرۈپتۇ. ھەر خىل كلاسسىك جەڭ مەيدانلىرى… سادىق COD مەستانىسى بولۇش سۈپىتىم بىلەن، بۇ فىلىمنى كۆرۈپ ئولتۇرالمايلا قالدىم، ۋاقىت چىقىرالىسام بۇدا ئەڭ يېڭى «مەجبۇرىيەت چاقىرىقى8» نى ئەڭ تەس ھالەتتە قايتىدىن  بىر ئويناپ تۈگىتىش ئويۇم بار. نېمىلا دېمىگەن بىلەن، تارىختىن بۇيانقى ئەڭ قالتىس چىققان جەڭ تىپىدىكى كومپيۇتېر ئويۇنىنىڭ بىرى ئەمەسمۇ؟!

خېلى بۇرۇنلا توردا سومالىدىكى دېڭىز قاراقچىلىرىنىڭ گونلاندىيەدە سوتلىنىپ تۈرمىگە قامالغانلىقى، كېيىن تۈرمە شارائىتىنىڭ پەۋقۇلئاددە ياخشىلىقى تۈپەيلى مۆھلىتى توشقاندا تۈرمىدىن ئايرىلىشقا قىيماي قالغانلىقىدەك بىر خەۋەرنى ئوقۇغىنىم ئېسىمدە، بۈگۈن توردىن گوللاندىيەدىكى بىر ئادەتتىكى تۈرمىنىڭ بىر قانچە پارچە سۈرىتىنى ئۇچرىتىپ قالدىم، ئەسلىدە ئۇلارنىڭ تۈرمىدىن چىقىشقا قىيماي قالغانلىقى ئەجەپلىنەرلىك ئەمەسكەن…