مۇشۇنداق بىر ئەھۋال بار ئىكەنمىش، يەنى مەلۇم تېما ياكى ماقالىدىكى بىرىنچى ئىنكاسنى كۆرگەندىن كېيىن، مۇتلەق كۆپ قىسىم تورداشلارنىڭ باھاسى 1-ئىنكاسنى چۆرىدىگەن ئاساستا بولىدىكەن.

تۇنجى باھاغا ئەگىشىش

مۇتلەق كۆپ قىسىم تورداشلارنىڭ كۆزىتىش نەتىجىسىگە ئاساسلانغاندا، ئوخشاش بىر يازمىنى ئوخشىمىغان ئورۇنغا قويغاندا، كۆپچىلىك ئوخشىمىغان نۇقتىنەرەردە تۇرۇپ بىرىنچى ئىنكاسقا باھا بېرىشىدىكەن، كۆپ قىسىم تورداشلارنىڭ نەزىرىدە تۇنجى باھا بىر قەدەر ئورۇنلۇق ھېسابلىنىدىكەن ۋە كۆپ قىسىم تورداشلارنىڭ نۇقتىنەزىرى شۇ باھاغا مەركەزلىشىپ قالىدىكەن.

توختىماي ئېكراننى يېڭىلاش

كۆپىنچە تورداشلار بىر مەشغۇلاتنى تاماملاپ بولغاندىن كېيىن، كېيىنكى قەدەمدە نېمە ئىش قىلىش دەماللىققا يادىغا كەلمىگەندە، توختىماي ئۈستەل يۈزىنى يېڭىلايدىكەن، بەزىلەرگە ھەتتا F5 نى تەبىئىيلا بىردەم بېسىپ تۇرۇش ئادەت بولۇپ شەكىللىنىپ كەتكەن ئىكەن. بۇ خىلدىكى تورداشلارنىڭ قارىشىچە، بۇ خىل مەشغۇلات كومپيۇتېرنىڭ سۈرئىتىنى تېزلەشتۈرىدىكەن. ئەمما مېنىڭ بىلىشىمچە، بۇ خىل مەشغۇلات Windows تىكى explore.exe ناملىق مۇلازىمەتنى توختىماي ئىجرا قىلىشقا مەجبۇر قىلىپ، CPU نىڭ ئىگىلىگەن ئورنىنى تېخىمۇ چوڭايتىۋېتىدىغۇ دەيمەن.

ئورنىدىن تۇرۇپلا كومپيۇتېرنى قوزغىتىش

بۇ ئادەت تورخۇمار دوستلارغا ئورتاق سىڭگەن بىر ئادەت بولۇپ، كۆپ قىسىم تورداشلار ئىشى بولسۇن بولمىسۇن تۇنجى بولۇپ قىلىدىغان ئىشى كومپيۇتېرنى ئېچىپ قويۇش ۋە خالىغان ۋاقىتتا كېلىپ مەشغۇلات قىلىش ئىكەن.

كومپيۇتېرنى قوزغىتىپلا QQ غا چىقىش

مەن دەيمەن، چوقۇم QQ غا ئاۋال چىقىۋېتىش كېرەكمۇ؟ يەنە كېلىپ QQ غا چىقىپلا يوشۇرۇن ھالەتتە ئولتۇرۇش…

QQ غا چىقىپلا يوشۇرۇن ھالەتكە ئۆتۈش

QQ غا يوشۇرۇن چىقىش ئاللىقاچان بىر تۈركۈم مۇشۇ خىل ئادەتكە تەۋە تور ئابونتلىرىنى شەكىللەندۈرۈپ بولدى. ئەمەلىيەتتە نۇرغۇنلىرىمىز كۈندە دېگۈندەك مەيلى يانفون ياكى كومپيۇتېردا بولسۇن، QQ غا چوقۇم چىقىشقا ئادەتلەنگەن، بىراق نۇرغۇن تورداشلار يەنىلا QQ غا چىققاندىن كېيىن ياكى چىقىشتىن بۇرۇنلا يوشۇرۇن چىقىشقا ئادەتلىنىپ كەتكەن.

تورغا چىقىپلا torhumar.com نى بىر ئېچىپ يېڭى يازما بارمۇ يوق قاراپ بېقىش

بۇنى چۈشەندۈرۈپ ئولتۇرمىساقمۇ بولار….

بىرەر نەرسە ئېسىگە كەلگەندە ياكى ئىزدىمەكچى بولغاندا بىۋاستىلا Google ياكى 百度 نى ئېچىش

ھازىر بىرەر نەرسە ئېسىمىزگە كەلمىگەندە ياكى ئۆزىمىزگە لازىملىق بىرەر نەرسە ئىزدىمەكچى بولغاندا، ئۇدۇللا Google ياكى 百度 نى ئېچىپ ئىزدەش ئاللىقاچان تورغا چىقىشتىكى بىر زۆرۈر ئادەت ھېسابلىنىپ قالدى. چۈنكى بۇ ئىككىيلەن ئەيتاۋۇر سىز ئىزدىگەن نەرسىنىڭ ھەننىۋاسىنى تېپىپ بېرەلەيدۇ…

تورغا چىققاندا، بولۇپمۇ تورخۇمارغا كىرگەندە سول تەرەپتىكى تورخۇمارلار توپلىشىپ قالغان جايلاردىكى يازمىلارغا ئالاھىدە دىققەت قىلىش

كۆپىنچىمىز تورغا چىققاندىن كېيىن ئۆزىمىز ياقتۇرىدىغان مەزمۇنلارنى، بولۇپمۇ مۇتلەق كۆپ قىسىم تورداشلار تەرىپىدىن تەۋسىيە قىلىنغان، كۆپ كۆرۈلگەن، كۆپ ئىنكاس چۈشكەن مەزمۇنلارنى كۆرۈشكە ئالاھىدە خۇشتار. بەزىلەر گەرچە بۇنداق ئادىتى بولمىسىمۇ، تەبىئىيلا بۇ خىلدىكى تەبىقىگە مەنسۇپ بولۇپ قالىدۇ. چۈنكى تورداشلار تەرىپىدىن بايقالغان بايلىقلارنىڭ پايدىلىنىش قىممىتى ئالاھىدە زور!

تورغا چىققاندا كۆڭۈل ئېچىش تۈرلىرىدىكى مەشغۇلاتلارغا خۇمار بولۇپ قېلىش

كېچىلەپ كىنو-فىلىم كۆرۈش، ئويۇن ئويناش، باشقىلار بىلەن پاراڭلىشىش….بۇ كۆپچىلىككە نىسبەتەن ئاللىقاچان يېڭىلىق ھېسابلانمايدىغان بولۇپ كەتتى. ئەلۋەتتە، كېچىدىلا ئەمەس، مۇتلەق كۆپ قىسىم تورداشلار كۈندۈزىمۇ ئىچى پۇشىقىنى چىقىرىش ۋە ياكى رېئال تۇرمۇشتىكى بەزىبىر كۆڭۈلسىزلىكلەرنى ئۇنتۇش ئۈچۈن تورغا غەرق بولۇپ ئۆزى ياقتۇرىدىغان كىنولارنى كۆرىدۇ، ئويۇنلارنى ئوينايدۇ ياكى ناتونۇش كىشىلەر بىلەن سىردىشىدۇ…بۇ ئاللىقاچان ئومۇميۈزلۈك بىر ئەھۋالغا ئايلاندىغۇ دەيمەن؟

قېنى ئولتۇرغان كۆپچىلىكتە بۇ ئادەتلەردىن قايسىلىرى باركىن؟